الجمعة، 24 يناير، 2014

دجاجة مبخرة مع خضر مرافقة





السلام عليكم ورحمة الله تعالى وبركاته 









ناخدو الدجاجة نغسلوها بالملح وسكنجبير والخل او الحامض مزيااااان تم نعملو تشرميلة


الحوت فيها قزبر ومعدنوس 3 فصوص توم حامضة صغيرة معصورة زيت زيتون 

كامون تحميرة ملح ابزار نرقدوها ونخليوها تبات والغد نعملوها تتفور






سر من اسرار نجاح الدجاج مني يكون يطيب ندخلو قطيب كيف واضح بالصورة باش 

يدخل ليه الطياب من الداخل وميجيش نااشف




مني طابت دهنتها بسمينة ودخلتها تتحمر 

 قبل متطيب الدجاجة كنت شويت فلفلة غسلتها تم نقطعتها بشكل طولي وعملتها بمقلات مع توابل توم وملح ابزار وكامون وفلفل احمر وقزبر وبقدونس 




بقيت نحرك بالمقلاة بعض الوقت ووضعتها جانبا وبيت بتحضير الخضر 
 خضر حسب المتوفر بطاطا قرع اخضر جزر لوبيا خضراء قوق بروكولي اللي متوفر بالبيت 
شرملتهم بالقزبر والبقدونس ملح كامون فلفل احمر القليل من الفلفل الاسود 




وضعتهم بالكسكاس من الافضل منغطيوهاش باش ميهبش الماء على الخضر وتزول التتبيلة غتاخد وقت لكن النتيجة افضل ان شاء الله 




من بعدما طابت الخضر حمرت الدجاجة وقدمتها بالصحة والراحة 

نتمنى طريقتي تروقكم 
بالصحة والراحة 
ودعواتكم لي عزيزاتي بدوام الصحة وتيسير الامور لي ولعائلتي 
ردودكم بمدونتي تفرحني 
في امان الله وحفضه 

ليست هناك تعليقات:

إرسال تعليق