الثلاثاء، 31 ديسمبر 2013

حريشات بالفرن


حرشة بالفرن فنة ولديدة للامانة هي من مدونة  اخت اسمها بشرى جزاها الله كل خير
نصف كيلو سميدة
كاس سكر / عملت اقل
كاس زيت
كاس ماء 
دانون /عملت كاس حليب
2 بيضات
2 خمارات
لوز مهرمش ومحمر للتزين
مربى المشمش
ك
 كنخلطو المقادير ونعملوها بمولات ف ردية والى الفرن




كندهنوها بمربى المشمش ونزينوها برقائق اللوز 








بالصحة والراحة 



الأربعاء، 25 ديسمبر 2013

بقلاوة باللوز والتمر


بقلاوة باللوز والتمر 

المقادير
يمكن تستعملو اي عجين معتمد للبقلاوة .بالنسبة لي كنفضل العجين المورق غتلقاو المقادير ديالو فالصور الموالية

المقادير حسب كمية العجين المستعمل انا عملت 250غرام من العجين المورق
400غرام لوز
200غرام تمر رطب 
80غرام سكر انا اكتفيت ب 2معالق كبار

معلقة كبيرة ونصف ماء زهر او حسب الرغبة
معلقة صغيرة قرفة
2 معالق كباااار ونصف زبدة لينة
نصلقو اللوز نقيوه ونقليوه فالزيت ونحتافضو بيه 
التمر نزولو النواة نبخروه ونحتافضو بيه 
نحضرو العجين المورق تم نكملو تجهيز الحشوة

العجين المورق المعتمد بالنسبة لي 
250غرام دقيق 
250غرام زبدة مركرين 
ملح معلقة كبيرة خل 
نجمعو الدقيق الملح والخل بالماء الدافئ تم نمرو لمرحلة التوراق 
كنسرحو العجين ونوضعو بالوسط الزبدة اللي ضروري تكون باردة مزياان ومقطعة طريقات ونحاولو نغلفوها كيف واضح بالصورة 
غير نغلفوها نسرحوها بشكل طولي ونتنيوها على 3 نغلفوها بورق الزبدة وندخلوها للتلاجة 15 دقيقة 
نخرجوها نسرحعوها دائما بنفس الاتجاه نتنيوها على 4 ندخلوها للتلاجة 15 دقيقة نكرو العملية 5 مرات. مرة على 4 مرة على 3 حتى تحسو بالزبدة دخلات فالعجين مزياان 
نتمنى تكون الفكرة وصلات واي تسائل انا فالخدمة

نقسمو العجين على 
2

ندهنو المول بالزبدة ونعملو جزء من العجين ونسرحوه 

نوضعو الحشوة كيف واضح بالصورة  


تم الجزء الاخر من العجين



نقطعوها بسكين حاد نوضعو لوزة وندخلوها للفرن معتدل الحرارة 


بعد الفرن نسقيوها بالعسل تقريبا عملت 200 غرام وانتو عينكم ميزانكم 



 بالصحة والراحة 

الثلاثاء، 24 ديسمبر 2013

مايونيز بالحليب


مايوزنيز سهل يقدر يبقى مدة اسبوع الحليب المستعمل هو الحليب المبستر

المقادير 





معلقة خردل (موتارد)
نصف معلقة صغيرة ملح 
كاس حليب 
2كؤوس زيت يمكن اضافة كمية اقل او اكتر من الزيت 
ملعقة كبيرة خل

نطربو الخل والموتارد وكاس الحليب ونبقاو نضيفو الزيت بالتدريج الى ان نحصل على الكتافة المرغوب بيها وبالصحة والراحة 

















بينيي بطبوط رااائع


بينيي بطبوط 




بينيي بطبوط اخدت الوصفة من عند اختي لطيفة جزاها الله كل خير 

بطبوط بينيي 

من كترة ما اصبح معتمد رجعت نعمل المقادير عيني ميزاني 
المقادير المضبوطة هي 
400غرام دقيق 
100غرام سميد ناعم 
ملح 
2 حتى ل تلات معالق كباار سكر
فاني 
بيضة 
خميرة العجين 
ماء دافئ 
تجمع تدلك تم بالنهاية نضيف 30 غرام زبدة تم تقسم الى كويرات صغيرة تسرح وتترك تختمر جيداااااااااااااااا تم تقلى وتقدم بالصحة والراحة 
يمكن رشها بالسكر صقيل او السنيدة او دهنها بالمربى او العسل او او او













كيكة السينابون اللديدة


كيكة السينابون اللديدة 



المقادير



4 بيضات
كاس سكر استعملت كاس صغييير
نصف كاس زيت
نصف كاس حليب
يوغورت
2 كيسان دقيق او حسب الخليط
فاني
خمارة 16 غرام

الحشوة
2 معالق لوز او كركاع مهرمش مزيان
2 معالق كوك
2 معالق ونصف سكر اسمر

الطريقة

نطربو البيض مع السكر مزيااااااااااااااااااااان حتى يرجع ابيض تم نضيف باقي المقادير بالتدريج
نوضع طبقة اولى بالمول تم الحشوة تم باقي الكيك والى الفرن







 نصبو نصف كمية الكيك بالمول تم الحشوة تم الطبقة الاخرى وندخلوه للفرن 













لتحضير الكريمة

علبة نستلي صغيرة
+ 6 قطع جبن فلادلفيا او كيري او حسب الموجود
نطربو الجبن تم نستلي ونصبوه فوق الكيك ونزينو بالشكلاط 
الاسود وقطع من اللوز او الجوز
وبالصحة والراحة